ဆရာဝန် တယောက်ရဲ. ရောဂါများ

မနေ.က ကျမ အမျိုးသား ဆေးရုံက သူ.လူနာတွေဆီက သယ်လာတဲ့  ရောဂါပိုးနဲ. ဝမ်းသွားပြီး အန်ပါတယ်။ ဆရာဝန်ဆိုတော့ လူတွေကို ရောဂါပေါင်းစုံမှ ပျောက်ကင်းအောင် ကုသပေးတယ်တဲ့။ ဒါပေမယ့် အဲလိုကုသပေးရင်းနဲ. ဆရာဝန်တွေမှာလဲ ရောဂါတွေရလာတတ်တာပါပဲ။ 

ဥပမာ ကျမဆို ဆေးရုံ အရေးပေါ်ဌာနမှာ တာဝန်ကျတုန်းက ဗိုက်အောင့် အစာအိမ်နာတဲ့ ရောဂါရလာပါတယ်။ မရပဲ နေမလား။ အစားအသောက်မှ မမှန်တာကိုး။ A+E rotation ရဲ.အလုပ်ချိန်တွေက တခြားဆေးဌာနတွေလို မဟုတ်။ အချိန်တွေက ကမိုးကမောက် ဆိုတော့ တခါတလေ မနက်စာကို နေ.လည် ၃နာရီလောက်မှ စားရတာလေ။ 

အခုထိလဲ တချို.ရက်တွေဆို ပထမဆုံး အစာကို ကျမနေ.လည် ၃နာရီလောက်မှ စားရပါတယ်။ ဥပမာ မနက်ခင်း ၈နာရီအရောက် ဆေးရုံသွား ဆေးခန်းမှာ လူနာအမြန်ကြည့်။ နေ.လည်ဘောလုံးပွဲကို အမှီသွားရ။ ကြားမှာ စားဖို. အချိန်မရှိ၊ ထမင်းချိုင့်လဲ့ ထဲ့စရာ မချက်ထားမိတော့ ဒီအတိုင်း ဗိုက်ဟောင်းလောင်းနဲ. ဘောလုံးပွဲမှာ၊ Halftime လောက်မှ ဘောလုံးသမားတွေရဲ. Energey drinks/ calory snacks တွေ နှိုက်စားရပါတယ်။ 

အဲဒီလို အလုပ်ချိန်မမှန်တော့ အထူးသဖြင့် ခရီးသွားများတဲ့ အခါတွေမှာဆိုရင်တော့ မနက် မနက်ဆို အီးအီးပါဖို.တောင် အချိန်ကမရှိ။ ဝမ်းကချုပ်လာ၊ ဝမ်းချုပ်တာကြာပြီး ဗိုက်ထဲမှာ အီးအီးတွေပြည့်လာတဲ့ အခါကျတော့ Overflow Diarrhoea လို.ခေါ်တဲ့ ဝမ်းတွေသွားပါရော။ 

လူနာတွေက ကိုယ့်မျက်နှာကို မကြာခဏ ချောင်းဆိုးထဲ့လုိုက်လို. ရောဂါပိုးကူးပြီး ဖျားရတာ လည်ချောင်းနာရတာလဲ မကြာခဏ။ 

တခါတလေ အလုပ်ရှုပ်လွန်းလို. တနေကုန် ဆီးတောင်မသွားအားလို. ဆီးအောင့်ရတာလဲ မကြာခဏ။ 

လူနာတွေရဲ. သွေးတွေ မကြာခဏ ကိုယ်ကိုပေတာ စွန်းတာနဲ. သွေးကြောင့် ကူးစက်နိုင်တဲ့ ရောဂါတွေကို ကြောက်ရတာလဲ ရှိပါသေးတယ်။ 

ဒီကြားထဲ အခုအားကစားမှာ လုပ်တော့ ကြွက်သားမှာ ဖြစ်တတ်တဲ့ Myofascial trigger points တွေကို ကုတာ၊ အရိုး အဆစ်တွေကို လျော့အောင် Manipulation/manual therapy တွေ လုပ်တာတွေ များတော့ လက်မက အဆစ်ကလေးနာလာလို. အခု အဲဒီ အလုပ်တွေအားလုံး Physio နဲ.ပဲလွှဲထားပြီး ကိုယ့်လက်ကိုယ် အနားပေးထားရပါတယ်။ Ultrasound scan ကတော့ သုံးရတာများတုန်းဆိုတော့ လက်ကောက်ဝတ်ပါ နာမလာအောင် အတော် သတိထားနေရပါတယ်။

ဒါတောင် စာမေးပွဲတွေ၊ အလုပ်က စိတ်ဖိစီးမှုတွေနဲ. စိတ်ပိုင်းဆိုင်ရာ ရောဂါတွေအကြောင်း မပါသေးဘူးနော်။ 

ကဲ ဖြစ်ချင်ဦးဟဲ့ ဆရာဝန် .....။

မြန်မာ ကွ

ဒီရက်ပိုင်း အင်တာနက်မှာ မြန်မာမလေး တယောက်ကို တဘက်သက် ရင့်ရင့်သီးသီး တိုက်ခိုက်ထားတာ ဖတ်လိုက်ရပြန်တယ်။ အမှန်တော့ ဒီလို ရင့်သီး ကြမ်းတမ်းတဲ့ စကားတွေနဲ. အင်တာနက်ပေါ် ဆဲတာ ဆိုတာတွေဟာ စိတ်ဓါတ်ကျစရာ မကြာခဏကို တွေ.မြင်နေရတာပါ။ 

ကျမ မြန်မာဖြစ်ရတာ ဂုဏ်ယူပါတယ်။ အလွန်လှပတဲ့ တိုင်းပြည်မှာ မွေးပြီး ကြီးပြင်းခဲ့ ပညာသင်ကြားခဲ့ရတာတွေ ဒီမှာ အမြဲ ဂုဏ်ယူစွာ ပြောပြနေကျ။ 

ဒီက အသိတွေ “နင်ရဲ. တိုင်းပြည် အကြောင်းပြောပြပါဦး” မေးလာခဲ့ရင် မဆိုင်းမတွ ... ငါတို.တိုင်းပြည် ဘယ်လောက်လှကြောင်း သယံဇာတတွေ ဘယ်လိုပေါကြောင်း တိုင်းသူပြည်သားတွေ ဘယ်လောက် ရိုးဖြောင့်ပြီး သဘောကောင်း ကူညီတတ်ကြောင်း။ အချင်းချင်းနာလည်လွယ် သဘောထားကြီးကြကြောင်း၊ အလွန် ဧည့်ဝတ်ကြေပြီး အားနာတတ်ကြောင်း .. အစရှိသဖြင့် ရှည်လျှားစွာ ရှင်းပြတတ်ပါတယ်။ 

ဒါပေမယ့် အခုနောက်ပိုင်း မြန်မာပြည်မှာ အင်တာနက်တွေ အသုံးများလာတော့ မြန်မာ ဝက်ဘ်ဆိုဒ်တွေ ပေါ်လာတယ်။ မြန်မာ အင်တာနက် အသိုင်း အဝိုင်း၊ ဆိုရှယ် ဝက်ဘ်ဆိုဒ်တွေ ဆိုတာ ရှိလာတယ်။ အဲဒီတော့မှ တွေ.လိုက်ရတဲ့ ရုတ်ရင်း ကြမ်းတမ်းတဲ့ စကားတွေ၊ ကွန်မန်.ပေးထားတာတွေ အင်တာနက်ပေါ် တက်ဆဲထား ဆိုထားတာတွေဟာ မမြင်ချင်မှ အဆုံး တွေ.ရ မြင်ရ ဖတ်ရပါတယ်။ ပြောထားတဲ့ စကားတွေ အများစုဟာ တကယ် မကြားဝံ့ မနာသာတွေရယ်ပါ။ ဖတ်ရတာ တွေ.ရတာတောင် မျက်စိရှက်ဖို.တောင် ကောင်းပါတယ်။ 

ဒီတော့ ကျမတွေးမိတာက ကျမထင်တဲ့ သိပ်ကို ယဉ်ကျေသိမ်မွေ.တဲ့ ကူညီတတ်တဲ့ မြန်မာတွေဆိုတာ ကျမရဲ. စိတ်ကူးယဉ် အိပ်မက်ထဲက ဂယောင်ခြောက်ခြား ထင်မြင်ချက်တွေပဲလား ဆိုတာ။ မြန်မာလူမျိုးဆိုတာ တကက် လက်တွေ. ဘဝမှာတော့ အခုလို မိုက်ရိုင်းတဲ့ ရင့်သီးတဲ့ စကားတွေပဲ ပြောတတ်တဲ့ လူတန်းစား တခုပဲ လားဆိုတာ။ အခုတလော ဂယက်ရိုက်နေတဲ့ ဘာသာရေး နိုင်ငံရေး ကိစ္စများလဲ အပါအဝင်ပါ။ တချို.တွေရဲ. ငါပြောတာပဲမှန်တယ်၊ ငါ့ ခံယူချက်နဲ.မတူရင် ဝင် ဆဲလိုက်မယ်၊ မိုက်မိုက်ရိုင်းရိုင်း ဝင်ဆော်ထဲ့လိုက်မယ် ဆိုတဲ့ လူမျိုးတွေ အများကြီးပဲ တွေ.နေရတာ တကယ် စိတ်ဓါတ်ကျဖို. ကောင်းလှပါတယ်။ လူတိုင်း ငြိမ်းချမ်းစွာ သဘောထား ကွဲလွဲခွင့် ရှိရမယ် မဟုတ်ဘူးလား။

လူဆိုတာ ကိုယ်ဘယ်ကလာတယ် ဆိုတဲ့ ကိုယ့်ရဲ. ဇာတိဇာတ်မြုပ် Root ကို မရှက်သင့်ဘူးလို ကျမယုံကြည်ပါတယ်။ ဒါပေမယ့် ဒီလို အင်တာနက်မှာ ဖတ်ရတာတွေ များလာတော့ တခါတလေတော့ ကျမ မြန်မာ ဖြစ်ရတာ ရှက်မိတယ်။ အဲလို ရှက်မိတဲ့ အတွက်လဲ့ ကျမကိုယ် ကျမ မသိုးမသန်. လိပ်ပြာမသန်.ဖြစ်ရပြန်ရော .... နောက်ဆုံးတော့ ကိုယ့်ရဲ. စိတ်ကူးယဉ် ကမ္ဘာလေးထဲမှာပဲ ကျမ ပြန်နေတော့မယ်လို. ဆုံးဖြတ်လိုက်တယ်။ ဒီ အင်တာနက် သုံးပြီး ရိုင်းစိုင်းတဲ့ သူတွေဟာလဲ မြန်မာလူမျိုးအားလုံး ရဲ. ပုံရိပ် ကိုယ်စားပြုတာ မဟုတ်ပဲ မြန်မာတွေထဲကမှ လူအနည်းစုလေးပဲ ဖြစ်ပါစေလို. ဆုတောင်းမိပါတော့တယ်။

မှတ်မိစေတဲ့ စကားလေး

သူငယ်ချင်း တယောက်က ပြန်ပြောတဲ့ စကားလေးပါ။

သူမ ဆေးရုံရဲ. အရေးပေါ်ဌာနမှာ တာဝန်ကျနေတုန်း အသက် ၉၃နှစ်အရွယ် အဖွားအို တယောက် ဝင်လာတယ်တဲ့။ သူမဟာ ၉၃ နှစ်ဆိုတဲ့ အရွယ်နဲ. မတန်အောင် အလွန် သန်သန်မာမာ ဖြတ်ဖြတ်လတ်လတ် နဲ. ပြောဆို လှုပ်ရှားနေတာကို တအံ့တအော တွေ.ရတယ်တဲ့။ သူမကို ကြည့်ရတာလဲ စိတ်ချမ်းသာစရာ ပြုံးလို. ရွှင်လို. မွန်ရည်စွာ ပြောဆိုနေတာ၊ မှတ်ဥာဏ်ကလဲ ပြောစရာမရှိ အလွန်ကောင်းဆိုပဲ။ 

ဒါနဲ. ကျမသူငယ်ချင်းက သူ.နားကပ်ပြီး  ”အဖွားကြည့်ရတာ အလွန် စိတ်အေးချမ်းပြီး အပူကင်း သလို အသက်အရွယ်နဲ.လဲ မလိုက်အောင် အလွန် ကျန်းမာတယ်နော်။ ဘာလျှို.ဝှက်ချက်များရှိလဲ။ ပြောပြပါဦး။” ဆိုတော့ 

အဖွားအိုက ပြန်ပြောတာ

“ကိုယ် ချစ်တဲ့ သူနဲ. လက်ထပ်တယ်

နေ.စဉ် တွေ.တဲ့လူနဲ. ခင်အောင်ပေါင်း

အပျင်းမထူပဲ အလုပ်များများ လုပ်၊ 

အရေး အကြီးဆုံး အချက်ကတော့ ကိုယ်မလုပ်နိုင် မရနိုင်တဲ့ ကိစ္စတွေ၊ ဖြစ်ပြီးသွားတဲ့ ကိစ္စတွေကို တနုံ.နုံ. ပြန်တွေးနေတာ မလုပ်ပဲ .. နောင်တတွေ မရနေပဲ ဖြစ်လာသမျှကို လက်ခံနိုင်အောင် ကြိုးစားနေထိုင်တာပဲ။” တဲ့

ခုခေတ် လူအတော်တော် များများမှာ စိတ်ဖိစီးမှုတွေ အတော် များများနဲ. နေ.စဉ် နေထုိုင်နေကြပါတယ်။ ဘာကြောင့်လဲ သေသေချာချာ ပြန်တွေးလိုက်မယ် ဆိုရင် အဖွားအို ပြောသလို ဖြစ်လာသမျှကို လက်ခံ နိုင်တဲ့ စိတ်မရှိကြလို.ပါ။ လိုချင်တာတွေ ဖြစ်ချင်တာတွေက အလွန်များနေကြတာ။

ကျမ ကိုယ့်ကိုယ် တွေးမိတာက ကျမသာ “ဘယ်အရာ မဆို အကောင်းဆုံး ဖြစ်အောင် ကြိုးစားမယ်၊ မှန်းတဲ့ အတိုင်း ဖြစ်မလာတော့လဲ နောင်တ ဆိုတာ မရှိဘဲ လက်ခံနိုင်အောင် ကြိုးစားနေထိုင်မယ်ဆိုရင်” အဖွားအိုလိုများ ကျမ အသက် ရာနားနီးတဲ့အထိ ပျော်ရွှင် ကျန်းမာစွာ နေထိုင်နိုင်မလားဘဲ

ဒီမိုကရေစီ လေလား

ဒီရက်ပိုင်း ဒေါ်အောင်ဆန်းစုကြည် အကြောင်း အကောင်းရော အဆိုးပါ ဝေဖန်ထားတာတွေ အတော်များများ တွေ.ရ ဖတ်ရပါတယ်။ 

မြန်မာနုိုင်ငံမှာ ဒီမိုကရေစီရဲ. လမ်းစအနေနဲ. ကိုယ်ရဲ. ခံစားချက် ထင်မြင်ချက်တွေ ပွင့်ပွင့်လင်းလင်း ပြောလို.ဝေဖန်လို. ရတာကိုတော့ ကျမ အတော် ဝမ်းသာမိပါတယ်။

ဒါပေမယ့် နိုင်ငံရေးမှာ အတော် များများဟာ ဒါမှန်တယ် ဒါမှားတယ်လို. တိုင်းတာလို. ရနိုင်တဲ့၊အဖြူအမဲ ခွဲခြားလို.ရနိုင်တဲ့ အရာတွေ မဟုတ်ဘူးလို. ကျမထင်ပါတယ်။ လူတယောက်က ဒါကို မှန်တယ်ထင်ပေမယ့် တခြားတယောက်ဘက်က ကြည့်ရင် မှားတယ်လို. မြင်ချင် မြင်မှာပါ။ ဒီလိုပဲ လူအများက ဖြူတယ်ထင်တာနဲ. အမဲကနေ အဖြူဖြစ်မသွားပါ။ ဒေါ်အောင်ဆန်းစုကြည် ပြောတဲ့ ညွှန်ပြတဲ့ နည်းလမ်းတွေကိုလဲ ကြိုက်တဲ့သူ ရှိသလို မကြိုက်တဲ.သူတွေလဲ ရှိမှာပါဘဲ။ ကျမ ကိုယ့်ကိုယ် ပြောနေကျ၊ အားပေးနေကျ စကားလေး တခွန်းကို အမှတ်ရမိတယ်။ "You can not please everybody" ဗုဒ္ဓဘုရားတောင် သူ.ကို ရန်ငြှိုးထားတဲ ဒေဝဒတ်ရှိသေးတာ။ သာမန်လူသားတွေမှာ ဆိုရင်တော့ ကိုယ်ကို သဘောကျတဲ့သူ ရှိသလို ကိုယ့်မကြိုက်တဲ့သူ မုန်းတဲ့သူဆိုတာ ပိုတောင်များဦးမယ် ထင်ပါတယ်။

ကျမကို ဒေါ်အောင်းဆန်းစုကြည် ထောက်ခံလား မေးလာမယ် ဆိုရင် သူ.ရဲ. ကိုယ်ရေးမကြည့်ပဲ တိုင်းပြည်အတွက် အနစ်နာခံတာလေး တချက်နဲတင် သူ.ကို ထောက်ခံပါတယ်။ သူမ အကျယ်ချုပ်က လွှတ်ပြီး ပါတီထဲ ဝင်ခါစက သူမ နာမည်ကြီး သလောက် တကယ်ရော လုပ်နိုင်ပါ့မလား ဆိုတဲ့ အတွေးမျိုးတွေ သံသယတွေ အများကြီးရှိခဲ့ပါတယ်။ ဒါပေမယ့် သူ.မရဲ. နိုင်ငံတကာမှာ၊ အထူးသဖြင့် အမေရိကနဲ. အင်္ဂလန်မှာ ပြောခဲ့တဲ့ မိန်.ခွန်း စကားတွေ ကြားပြီကထဲက အဲဒီ သံသယတွေဟာ လုံးလုံး ပျောက်သွားခဲ့ပါပြီ။ တိုင်းပြည် ကြီးပွားအောင် အများကြီး နောက်ကျ ကျန်ခဲ့တဲ့ ကျမတို. အမိနိုင်ငံကို လမ်းအမှန်ပြန်ရောက်အောင် သူမပြန်ဆွဲတင်နိုင်လိမ့်မယ်လို ကျမ အခုတော့ ယုံကြည်မိသလို ဆုလဲတောင်းပေးမိပါတယ်။ လူအများ သဘောကျအောင် သူပါတီနိုင်အောင်ဆိုတဲ့ စိတ်လေးနဲပဲ အများအကြိုက် နိုင်ငံရေး မလုပ်ပဲ သူမ မှန်တယ် ထင်တာကို ရဲရဲဝံ့ဝံ့ ပြောရဲတဲ့ သူမစိတ်ထားကိုကတင် အလွန် လေးစားစရာ ကောင်းနေပါပြီ။ မျက်တမှိတ် လျှပ်တပျက် အတွင်းတော့ အရာအားလုံး ပြောင်လဲ မသွားနိုင်။

ဒီရက်ပိုင်း အတွင်းသတင်း တခုကြားမိတယ်။ နိုင်ငံ အကြီးအကဲဟောင်းကြီးရဲ. ရန်ကုန်ရဲ. ဈေးအကြီးဆုံးနေရာမှာ ရှိတဲ့ ဧက ပေါင်းမျာစွာ ကျော်တဲ့ ခြံကြီး အကြောင်းနဲ.၊ သိန်းသောင်းချည်တန်တဲ့ ဈေးအကြီးဆုံး ရပ်ကွက်တွေထဲက ခြံပေါင်း မြောက်များစွာတို.ရဲ. အကြောင်းပါ။ .........   ကဲနိုင်ငံ ဆင်းရဲတာ ဘာကြောင့်လို ထင်ပါလဲ ....

ကိုယ်က ဒီမိုကရေစီ နိုင်ငံ လိုချင်ရင်တော့ ..... ဒီမိုကရေစီနဲ. အတူပါလာတဲ့ ကောင်းကျိုးရော ဆိုးကျိုးပါ အတူ ဝေမျှ ခံစား စံစားကြရမှာပါပဲ။ အရာရာ တိုင်းမှာ ကောင်းကျိုးဆိုးကျိုး ဒွန်တွဲနေတယ်တဲ့။

ဒေါ်စု မှန်ကန်တဲ့ ဆုံးဖြတ်ချက်တွေ ချနိုင်ပြီး မန်ဒီဘားလို လီကွမ်ယုလို တိုင်းပြည်ကို ခေါင်းဆောင်နိုင်ပြီး တိုင်းပြည် တိုးတက်ကြီးပွားအောင် ဆောင်ရွက်နိုင်တဲ့ ခေါင်းဆောင်ကောင်းကြီး တယောက် ဖြစ်ပါစေလို. 

mixed races

ဒီရက်ပိုင်း တွေရတဲ. လူနာ အများစုနဲ. ပါလာတဲ့ ကလေးလေးတွေ တွေ.ရတာ အဖြူအမဲ ရောမွေးထားတာလေးတွေပဲ များနေတယ်။ အသားညိုတိုတို၊ ဆံပင်က ကပ္ဗလီအကောက်လေးတွေနဲ.။ အသားက ဝါတာတာ မျက်လုံး အညိုလေးတွေ။ ဆံပင်က နက်မှောင်လို. မျက်လုံးလေးက ပြာတာတာ ညိုညိုတိုတိုလေးတွေ ... တွေ.ရတာ စုံနေတာပဲ။

အဖြူနဲ. ကပ္ဗလီ၊ အဖြူနဲ. ကရေဘီရန်း၊ အဖြူနဲ. middle east (မြန်မာလို ဘယ်လိုခေါ်တယ်မသိ)၊ အဖြူနဲ. အာရှသား (ကုလား တရုပ် အစုံ) အဟဲ တို.မြန်မာတောင် ပါလိုက်သေးတယ်နော် ရောစပ်လို. မွေးလာတဲ့ ကလေးတွေ အသားအရောင် ဆံပင်အရောင် ရောင်စုံ ရောစပ်လို.ရယ်ပါ။ 

ကျမ အနေနဲ. လူမျိုးရေး ခွဲခြားတဲ့ စိတ်ဓါတ် မရှိပေမယ့် စိတ်ထဲ တွေးမိတာက နောင် ၁၀နှစ်ဆိုရင် Caucasian ဆိုတာတောင် ရှိပါဦးမလားလို.။ အားလုံး Mixed Races လေးတွေပဲ ဖြစ်နေမလား။ ကမ္ဘာရွာကြီးရဲ့ ကောင်းကျိုးလား ဆိုးကျိုးတွေလားပါပဲ။ 

Islams and Terrorism

ဘာသာရေးဆိုတာ လူတွေကို ကောင်းအောင် ဆုံးမပေးတာ။ လူ.ရဲ. လောဘ ဒေါသ မောဟတွေကို ထိန်းချုပ်ပြီး လူကောင်း တစ်ယောက် အဖြစ် ကျင့်ကြံနိုင်အောင် လမ်းကြောင်းပေးတာလို ကျမ ယုံကြည်ပါတယ်။ ကျမကိုယ်တိုင်လဲ မိရိုးဖလာ ကြောင့်တင် မဟုတ်ပဲ၊ ဗုဒ္ဓဘာသာကို မိမိကိုယ်တိုင်ပါ သေချာ ယုံကြည်စွာ ကိုးကွယ်လို. ဗုဒ္ဓဘုရားဟောခဲ့ တဲ့ တရားနဲ. အတတ်နိုင်ဆုံညီအောင် ငါးပါးသီလမြဲအောင် ဆိုတာတွေကို အလွန် သတိထား ကျင့်ကြံနေထိုင်ပါတယ်။ 

မြန်မာမှာနေတုန်းက တခြားဘာသာရပ်အကြောင်းတွေကို သိပ်မသိပေမယ့် ဒီနိုင်ငံရောက်တော့ ဘာသာအမျိုးမျိုး လူအမျိုးမျိုးနဲ. အပေါင်းအသင်းဖြစ်ခဲ့ရပါတယ်။ သူတိုရဲ. ဘာသာရပ်တွေအကြောင်း တစေ့တစောင်း ပြောပြကြတော့ အစ္စလာန် ဟင်ဒူ ခရစ်ယာန်ဘာသာ ဆိုတာတွေ အကြောင်းလဲ နဲနဲလေး သိလာရပါတယ်။ 

အရမ်းသဘောကောင်း ကူညီတတ်တဲ့ အစ္စလာန်ဘာသာဝင် တချို.နဲ.လဲ အလုပ်တွဲလုပ်ခဲ့ရသလို အပေါင်းအသင်းအရင်းကြီးတွေ ဖြစ်ခဲ့ပါသေးတယ်။ ပြောရရင် ကျမ အနေနဲ. အစ္စလာန်ဘာသာ အပေါ် ဘာမှ မကောင်းတဲ့ ခွဲခြားတဲ့ အမြင်မရှိပါ။ အစ္စလာန်ဘာသာဟာလဲ အမှန်တကယ် လေ့လာမယ်ဆိုရင် အရင်းအမြစ်ဟာ ကောင်းဖို.သွန်သင် ဆုံးမထားတယ်လို. ထင်ပါတယ်။ အရင် တခေါက် post မှာ ရေးခဲ့ ဘူးသလို သူတို.ဘာသာရဲ. စောင့်စည်းရတဲ့ ကျင့်ဝတ် ငါးခု The Five Pillars ကို ပြန်ကြည့်ပါ။ ဘယ်အချက်ကမှ အကြမ်းဖက် လူသတ်ရမယ်ဆိုတာ မပါပါဘူး။ မရှိဆင်းရဲတဲ့ လူတွေကို ပြန်ကြည့်ရှု စောင့်ရှောက်ရမယ် ဆိုတာပဲ ပါပါတယ်။ 

ဒါဆို ဘာကြောင့် ကမ္ဘာ တဝှမ်း အကြမ်းဖက် လူသတ် သွေးသံတရဲရဲဆိုတဲ့ ကိစ္စတွေ ဖြစ်လိုက်တိုင်း ဘာကြောင့် မွတ်စလင် ဘာသာဝင် တွေနဲ.ပဲ ဆက်နွယ်ပါဝင်နေရပါသလဲ။ ကျမ စိတ်ထဲမှာ မေးစရာ မေးခွန်းလေးတွေ ပေါ်လာပါတယ်။ လတ်တလောက ဘော်စတွန် မာရသွန် ဘုံးခွဲတာ၊ အခု အင်္ဂလန် စစ်သားနဲ. ဖြစ်တဲ့ ကိစ္စ တွေ အပါအဝင်ပါ။  

အစ္စလာန်ဘာသာဝင် အများစုကပဲ သတ်ချင်ဖြတ်ချင်တဲ့ စိတ်ဓါတ်ရှိကြတာလား

တခြားဘာသာဝင်တွေကပဲ သူတို. အပေါ် မကောင်းမြင်စိတ်နဲ. (Prejudice) ဆက်ဆံလုို. ဒီလို အကြမ်းဖက် လူသတ်တဲ့ ကိစ္စတွေ ပေါ်ပေါက်လာရတာလား

တွေ.ပါ ကြုံပါမျာတော့ ထုံသွားတယ်တဲ့။ ဥပမာ သတ်တဲ့ ဖြတ်တဲ့ ရုပ်ရှင်ကားတွေ ကြည့်ကြည့်။ ပထမဆုံး ကြည့်တာဆိုရင် ကြောက်တာ၊ ရွံ.တာ၊ မကြည့်ရဲတာတွေ ရှိကောင်းရှိမယ်။ ကြည့်ပါများတော့ လူ.စိတ်က ထုံသွားပြီ။ ဘာမှမရွံ.မကြောက် ဖြစ်သွားတတ်ပါတယ်။ မွတ်စလင်ဘာသာဝင်တွေကရော မိမိတိုရဲ. အပေါင်းအသင်း ဘာသာတူသူတွေက သတ်ဖြတ် ဘုံးခွဲတာတွေ ကြည့်ပြီးတော့ လူသတ်တာ ဘုံးခွဲတာ ဘာမှာ မဟုတ် အသေးအဖွဲ ကိစ္စတခုလို. ထင်သွားတာလား

ဘာသာရေး အကြောင်းပြပြီး Messenger တရားဟောသူတွေကပဲ သူတို.ဘာသာဝင်တွေကို အသုံးချပြီး ”ဘုရားသခင်က ပြောတယ် ... အကြမ်းဖက်ရမယ်” ဆိုပြီး ဝါဒဖြန်. သင်နေတာလား 

ဘာကြောင့် ဒီ တိုတောင်းလှတဲ့ လူ.သက်တမ်းမှာ ဒီလို သွေးသံ တရဲရဲ ဖြစ်ရပ်တွေ ကြားနေ ကြုံတွေ.နေရတယ် မသိ။ ကျမက ဗဟုသုတ အလွန်နဲပါတယ်။ 

ဘာသာရပ်အပေါ် သူ.တိုရဲ. ယုံကြည်ရပ် အပေါ် ဘာမှာ ဆန်.ကျင် ဝေဖန်ချင်တာ မရှိပေမယ့် အကြမ်းဖက် လူသတ်တဲ့ ကိစ္စတွေ အပေါ်မှာတော့ ဘယ်ဘာသာ ယုံကြည်သူဖြစ်ဖြစ် အပြင်းအထန် ရှုပ်ချပါတယ် လို. 

Don't criticise what you don't know well enough

ကျမ ဘဝမှာ သေသေချာချာ မလေ့လာ မသိဘဲ အထင်မှားမိတာတွေ မကြာခဏ ရှိပါတယ်။ ဥပမာတချို. ပြောရရင် ...

လူတွေကပြောကြတယ် ဘောလုံးသမားတွေဆိုတာ လခတွေ မထိုက်မတန် မတရားရပြီး အကျင့်မကောင်း ရိုင်းတဲ့သူတွေ၊ ဘဝင်မြင့်နေတဲ့လူတွေတဲ့။ ကျမလဲ သူတို.တွေ မီလျန်နဲ.ချီရနေတာ တွေ.နေရတော့ ပထမတော့ မှန်တယ်လို. ထင်ခဲ့ပါတယ်။ ကံကောင်းလိုက်တဲ့ သူတွေလို.လဲ တွေးမိပါတယ်။ ဒါပေမယ့် အခု သူတိုနဲ. အနီးကပ်တွဲ အလုပ်လုပ်တော့မှ သူတို.ရဲ့ဘဝ ဘယ်လောက် သနားစရာကောင်းလဲ။ မရေရာ မသေချာတဲ့ ဘဝတွေဘဲ တွေ.ရပါတယ်။ ဘဝအာမခံချက်မရှိ၊ ကစားနိုင်တဲ့ (Career) သက်တမ်းက တို၊ ဒီကြားထဲ ဒါဏ်ရာကြောင့် အကြာကြီး အနားယူရတာလဲ ဖြစ်နိုင်၊ တခါတလေ သိပ်မကစားနိုင် အမှားအယွင်းလုပ်မိရင် အားလုံး ဆဲတာ ဆိုတာခံရ၊ ဒါကြောင့် တချို.တွေ စိတ်ဓါတ်ကျ၊ သေကြောင်းကြံတာတွေ ဖြစ်ကြ၊ အသက် ၇-နှစ် ၈နှစ်လောက်ထဲက စလေ့ကျင့် သင်ယူ ကြရတာ၊ ဒီလို မနေမနား အပြင်းအထန် လေ့ကျင့်ပြီး နားရက်ဆိုတာကလဲ မရှိသလောက် ...။ သူတို.ကိုကြည့်ပြီး ကျမတော့ သနားမိပါတယ်။ (သူ.တို.တွေကိုယ်ထက် အဆ ရာထောင်ချီမက ပို ချမ်းသာတာ ခဏ ဘေးဖယ်လို.ပေါ့)။ အရင်က ထင်ခဲ့ မိတဲ့ ဘာမှမလုပ် McDonald စားပြီး လခ မတရားရနေတဲ့ လူတွေ ဆိုတဲ့ အတွေးတွေ ဖြောက်မိပါတယ်။

ဒီရက်ပိုင်း အရိုးအထူးကုတွေနဲ. တွဲလုပ်ရပါတယ်။ တမျိုးမထင်ပါနှင့် ကျမ Surgeon မဟုတ်ပါ၊ ဆေးကျောင်းထဲက ကျမ ဆေးဝါး Physician  လုပ်ပဲ လုပ်မယ် ကျွေးကြော်လာသူ၊ Physician တယောက်အဖြစ်ပဲ ရပ်တည်နေသူပါ။ အတွေ.အကြုံအတွက် အရိုးအထူးကုနဲ. လုပ်ရမယ်ဆိုတော့ ကျမ အနည်းငယ် လန်.မိပါတယ်။ ဒီမှာ ပထမဆုံး Posting အရိုးဆောင်မှာ လုပ်တုန်းက လူနာတယောက် ပေါင်ရိုးကျိုးပြီး (fracture neck of femur) ခွဲကုရပါတယ်။ ခွဲပြီး ၃ရက် မြောက်မှာ လူနာက အမောဖေါက်၊ သွေးထဲက အောက်စီဂျင်အတိုင်းအတာတွေ ထိုးကျပါတယ်။ အဲဒီတော့ ဖြစ်နိုင်ခြေရှိတာက သွေးခဲ အဆုတ်ထဲကို ရောက်သွားတဲ့ Pulmonary Embolism ဆိုတာပါ။ ခွဲစိတ်ထာတဲ့ လူနာတွေရဲ့ ဖြစ်တတ်တဲ့ Complications တခုဖြစ်ပြီး အသက်အန္တရယ်နဲ.လဲ အလွန်နီးပါတယ်။ ဒါနဲ. အရိုးဆရာ Consultant ကို အကြောင်းကြားတော့ သူမေးတာက

Oscar Pistorius - Highs and Lows, good and bad

အော်စကာ ပစ်စ်တိုးရိယပ်စ် ဆိုတဲ့ နာမည်ဟာ အားကစားတွေ အကြောင်းစိတ်ဝင်စားတဲ့ သူများ အများစု ကြားဖူးပြီးသား ဖြစ်နိုင်လောက်ပါမယ်။ ဒါမှမဟုတ် သတင်းဖတ်တဲ့ လူများ သူ.ရဲ့ လောလောလတ်လတ် မော်ဒယ်ရည်းစားကို သေနတ်နဲ. ပစ်သတ်တဲ့ သတင်းကို တွေ.မိဖတ်မိကောင်း ဖတ်မိပါလိမ့်မယ်။ သူဟာ ကျမရဲ့ အရင်က အားကစားသမားတွေ ထဲမှ ချီးကျူးအားကျခဲ့ရတဲ့ အားကစားသမား တယောက်လဲ ဖြစ်ခဲ့ပါတယ်။ ဟိုးအရင်ထဲက ကျမ အချိန်ရရင် သူ. အကြောင်းရေးဦးမယ် ဆိုပြီး အားခဲထားတာပါ။

သူဟာ တောင်အာဖရိကနိုင်ငံမှ ခြေနှစ်ဖက်လုံး ဖြတ်ထားပြီး အိုလန်ပစ်ရော၊ မသန်စွမ်းသူတွေပဲ ပြိုင်တဲ့ ပါရာအုိုလန်ပစ်ရောမှာပါ ဝင်ပြိုင်ခဲ့ပြီး ရွှေတံဆိပ်ကိုင်ထားသူ တစ်ဦး ဖြစ်ပါတယ်။ အခု အမြန်ဆုံး ဆိုတဲ့ world record ကို ကိုင်ထားသူလဲ ဖြစ်ပါတယ်။ သူ.ကို သူရဲ့ ခြေတုကြောင့် လူအများ၊ သတင်းစာတွေထဲမှာ Blade Runner လို.လဲ အသိများကြပါတယ်။

သူဟာ မွေးတုန်းက ခြေနှစ်ဖက်လုံးမှာ fibula လိုခေါ်တဲ့ အရိုးမပါဘဲ မွေးလာတဲ့ သူပါ။ အသက် ၁၁လသားအရွယ်မှာ ခြေနှစ်ဘက်လုံး ဒူခေါင်းအောက်ကနေ ဖြတ်လိုက်ရပါတယ်။ ငယ်စဉ်ကထဲက ခြေထောက်မရှိပေမယ့် ဘဝကို အရှုံးမပေး ခြေတုနဲ. အားကစားပေါင်း မြောက်များစွာမှာ ဝင်ပြိုင်ခဲ့ပါတယ်။ ဥပမာ အမေရိကန် ဘောလုံး (Rugby)၊ တင်းနစ်စ်၊ water polo နပန်းလုံး အစုံပါပဲ။ သူအသက် ၁၇နှစ်မှာ တာတို ပြေးတာ စလေ့ကျင့် ယှဉ်ပြိုင်ခဲပြီး၊ ၂၀၀၄ ပါရာအိုလန်ပစ်မှာ မီတာ ၂၀၀ အပြေးပြိုင်ပွဲမှာ ရွှေတံဆိပ်ကို ရခဲ့ပါတယ်။ 

Lance Armstrong - You broke my heart

Tour de France ဆိုတာ ပြင်သစ်မှာ စခဲ့တဲ့ မိုင်ပေါင်း ၂၀၀၀ ကျော်၊ ရက်ပေါင်း ၂၀ကျော် ပြိုင်ရတဲ့ စက်ဘီးပြိုင်ပွဲပါ။ အလွန်နာမည်ကျော်ကြားသလို အလွန် အပင်ပန်းခံ ကြိုးစားရတဲ့ အားကစား တမျိုးလဲ ဖြစ်ပါတယ်။ ဘောလုံး ပရိသတ်တွေ အတွက် ကမ္ဘာ့ဖလားပြိုင်ပွဲ ပေါ်ပြူလာ ဖြစ်သလို စက်ဘီးစီးတာ စိတ်ဝင်စားသူများအတွက်တော့ Tour de France ဆိုတာ အလွန် ပေါ်ပြူလာဖြစ်တဲ့ ဂုဏ်ရှိတဲ့ ပြိုင်ပွဲ တခုဖြစ်ပါတယ်။ Lance Armstrong ဆိုတာ Tour de France စက်ဘီးပြိုင်ပွဲမှာ ၇ ကြိမ်တိုင်တိုင် ချန်ပီယန် ဖြစ်ခဲ့ဘူးသူပါ။ 

ကျမ Lance Armstrong အကြောင်း စ စိတ်ဝင်စားမိတာကတော့ သူ Testicular Cancer (ဂွေးဥ ကင်ဆာ ခေါ်မှာပေါ့နော်) ဖြစ်တော့မှပါ။ ကမ္ဘာ့ ချန်ပီယန် ကင်ဆာဖြစ်ပြီး၊ ဘဝကို အရှုံးမပေး၊ ကင်ဆာကုသမှု ဆေး ဓါတ်ရောင်ခြည်တွေ ခံယူပြီး၊ ဒီကမ္ဘာကျော်အားကစား စက်ဘီးစီး ပြိုင်ပွဲမှာ ဆက်လက် ဝင်ပြိုင်ခဲ့တာ။ ကင်ဆာအကြောင်း လူသိများလာအောင် အားကျိုးမာန်တက် ဆောင်ရွက်တာ ဆိုတာတွေက စပြီး ကျမ သူ.အပေါ် အထင်တွေကြီး စိတ်ဝင်စားလာခဲ့တာပါ။ သူ.ကြောင့်လဲ စက်ဘီး အစီးများရင် Testes Cancer ဖြစ်နိုင်တယ်ဆိုတဲ့ သုတေသနတွေ ထွက်လာတာ။

ဆယ်ကျော်သက်အရွယ် စိတ်ထားလား

ကျမရဲ့ အခု အလုပ်မှာ ဆယ်ကျော်သက်အရွယ် အားကစား သမားများကို စောင့်ရှောက်ပေးရပါတယ်။ ဒီ အားကစားသမားလေးတွေနဲ. စကားလက်ဆုံ ပြောလို. သူတို.အကြောင်းတွေ မေးမိရင် သူတို.ရဲ့ ဘဝ အပေါ် အမြင် လူတတ် လူနားလည် လုပ်ပြချင်တာတွေ၊ လမ်းတဝဲ ရောက်နေတတ်တာတွေလဲ တွေ.ရတတ်ပါတယ်။ အဲလိုပြောတော့ ကျမက ပျက်စီးလေလွင့်နေတဲ့ လူဆိုးလေးတွေ မဟုတ်ပါ။ အများစုဟာ သူတို.လုပ်တဲ့ အားကစားနဲ. စကောလားရှစ် ကျောင်းတက်နေသူတွေ၊ အင်္ဂလန် နဲ. ဂရိတ်ဗြိတိန်ကို ကိုယ်စားပြု ယှဉ်ပြိုင်နေတဲ. အလွန်တော်တတ် ထူးချွန်လိမ္မာတဲ့ ကလေးငယ်တွေပါ။ ဆယ်ကျော်သက်အရွယ် ဘဝ အကြောင်း သိပ်မနားလည်သေးတော့ လူကြီး လုပ်ပြချင်တာမျိုး တခြားလူ အထင်ကြီးအောင် ကိုယ်မဟုတ်တဲ့ လူတယောက်လို ဟန်ဆောင်ပြတာမျိုးတွေပါ။ 

နုိုင်ငံခြားရုပ်ရှင်များမှာလဲ High School Movies ဆိုတဲ့ ဒီ ဆယ်ကျော်သက် တွေရဲ့ ဘဝ၊ အခက်အခဲ။ စိတ်ဖိစီးစရာ တွေကို ရိုက်ပြထားတဲ့ ရုပ်ရှင်ပေါင်းမြောက်များစွာ ရှိပါတယ်။ ကိုယ့်ကိုယ် ကျောင်းမှာ ပေါ်ပြူလာ မဖြစ်မှာစိုးရိမ်ရတာတွေ၊ သူများတွေရဲ့ အနိုင်ကျင့်စရာ ဖြစ်မှာစိုးရတာတွေ၊ ဆေးသုံးကြည့်ချင်၊ ဆေးလိပ် အရက် လိင်ကိစ္စများ အပါအဝင်၊ သူတို.လေးတွေမှာ စိတ်ဖိစီးစရာ၊ စိတ်ဓါတ်ကျစရာ အမြောက်အများကို ကျော်ဖြတ်ရ တတ်ပါတယ်။ ဆယ်ကျော်သက်ဘဝဆိုတာ ဟိုမရောက် ဒီမရောက်မို.၊ ကလေးလဲ မဟုတ်တော့၊ လူကြီးလဲ မဖြစ်သေး၊ ဘဝဆုိုတာဘာလဲ နားမလည် စမ်းသပ်ချင်စရာ အမြောက်အများနဲ. အလွန် စိတ်ရှုပ်စရာ ကောင်းတတ်ပါတယ်။

For people who take everything for granted

ကျမ အပါအဝင် ဒီလောကမှာ လူအများစုဟာ ဘဝမှာ ကိုယ်ပိုင်ဆိုင်တာတွေကို  အလကားရထားတယ်ဆိုတော့ တန်ဖိုးမထားတတ်ကြ။ ဥပမာ စကားပုံထဲကအတုိုင်း “ကျန်းမာရေးရဲ့ တန်ဖိုး မကျန်းမာခါမှသိ” ဆိုသလို။

ဒီတပတ် ပါရာ-အိုလန်ပစ် (သို.မဟုတ်) မသန်စွမ်းသူများ ကစားတဲ့ အိုလန်ပစ်မှာ တာဝန်ကျပါတယ်။ ကျမ တာဝန်ကျတဲ့ နေရာက လောလောဆယ် ဂျူဒိုမှာပါ။ မျက်စိမမြင်သူတွေ ကစားကြတာဖြစ်ပါတယ်။ 

သူတိုကစားဝင်းထဲဝင်လာပြီ ဆိုထဲက။ ကျမမှာ သူတို.အတွက် ဂုဏ်ယူမိသလို မျက်စိမမြင်ပေမယ့် သူများတွေလို လောကကို အရှုံးမပေး ထူချွန်အောင်လုပ်နိုင်သူများ ဆိုပြီး အားလဲကျ မျက်ရည်လဲ ကျမိပါတယ်။ ခြေကျင်းဝတ် အရိုးကျိုးတာတောင် (Fracture fibula) ပွဲပြီးအောင် အနိုင်မခံ ဆက်ကစားသူ၊ လည်ပင်းညစ်ထားတာတောင် သတိမေ့လဲသွားသည်အထိ တောင့်ခံတဲ့သူတွေ၊ လက်မောင်းရိုး အဆစ်လွဲသွားတာကို (Shoulder dislocation) ကိုယ့်ဘာသာကိုယ်  ပြန်ထဲ့ပြီး ပွဲပြီးသည်  အထိ ဆက်ကစားကြတဲ့ သူတို.တွေ။

ဘဝရဲ. အခက်အခဲတွေ

ပြေးခုန်ပြစ် ပြိုင်ပွဲတခုမှာ သူငယ်ချင်းတွေနဲ. စကားစပ်ပြောမိတော့ လတ်တလော အိုလန်ပစ်ရဲ့ တာတို ပြေးပွဲမှာ ဆုတံဆိပ်တွေ အများကြီး ယူပြန်သွားတဲ့ ဂျမေးကားနိုင်ငံ အကြောင်းပြောမိပါတယ်။ ဂျမေးကားက BOLT ကလဲ အခုလောလောဆယ်မှာ ကမ္ဘာ့ အမြန်ဆုံးလူ တယောက် မဟုတ်လား။ 

ဘာကြောင့် ဂျမေးကန်းတွေ ဒီလို အောင်မြင်ရသလဲ သုံးသပ်မယ်ဆိုရင်၊ ဂျမေးကားနိုင်ငံ ဆိုတာ အရမ်းချမ်းသာတဲ့ နိုင်ငံ မဟုတ်ပါ။ အားကစား ဘက်မှာ ပိုက်ဆံတွေ အများကြီး ထဲ့သုံးနိုင်တဲ့ နိုင်ငံ မဟုတ်ပါ။ နောက်ဆုံးပေါ် နည်းပညာ၊ သုတေသနတွေကြောင့်၊ ဆေးကုထုံးနဲ. ကျန်းမာရေး ကုထုံးတွေကြောင့် လို.လဲ ပြောလို.မရပါ။ တရုတ်နိုင်ငံလို နိုင်ငံကြီး လူဦးရေများလွန်းတဲ့ နိုင်ငံကြောင့် ဆိုတာလဲ မဟုတ်ပြန်။

အဲဒီတော့ စိတ်ဝင်စား စရာ မိုက်ကယ် ဂျွန်ဆန်ရဲ့ BBC Documentary ထဲမှာ ပြောထားတာကို သူငယ်ချင်းက ပြန်ပြောပြပါတယ်။ 

ဂျမေးကန်းတွေဆိုတာ ဟိုးအရင်က အာဖရိကကနေ ကျွန်အဖြစ်နဲ. ခေါ်လာတဲ့သူတွေတဲ့။ ခေါ်လာတုန်းက ကျွန်တွေကို သဘောင်္ကြီးတွေနဲ. အများကြီး ခရီးကြမ်းကိုဖြတ် သယ်ခေါ်လာတော့ ပျော့ညံ့တဲ့သူတွေ မကျန်းမာသူတွေက လမ်းခရီးမှာထဲက သေကုန်ရောတဲ့။ လိုရာ ခရီးရောက်တော့လဲ ဘဝခရီးကြမ်းမှာ တချို.က မရှင်သန်နိုင်ကြ။ ကျွန်ပိုင်ရှင်များကလဲ စိတ်ပိုင်း လူပိုင်း ပျော့ညံ့သူတွေကို ခိုင်းမရတာနဲ. သတ်ပြစ်တာတွေလဲ ရှိခဲ့တာပေါ့။ ကျန်းမာသူ တကယ် စိတ်ဓါတ် ခိုင်မာသူနဲ. အရှုံးမပေးတတ်သူများသာ ရှင်သန်နိုင်ပါလိမ့်မယ်။ အဲဒီလူတွေထဲကမှ သူတို. အပျော်တန်း အပြေးပြိုင်ခိုင်းတာနဲ. ရှုံးရင် သတ်ပြစ်တာတွေလဲ ရှိသတဲ့။ နောက်ဆုံး တကယ့် အကောင်းဆုံး အသန်မာဆုံး ဆိုတဲ့ သူတွေသာ ကျန်တော့ သတဲ့။ 

Happy career choice?

အလုပ်တွေကရှုပ် အလုပ်အကြွေးတွေ တင်လာတော့ စိတ်ညစ်ညစ်နဲ.ရှိနေတုန်း စာအုပ်တအုပ်ကို အင်တာနက်မှာ အမှတ်တမဲ့ ဖတ်လိုက်မိပါတယ်။ သင့်ရဲ့ အလုပ်မှာ ဘယ်လို အောင်မြင်အောင် နေရမလဲ ဆိုတာရေးထာတာပါ။ စာရေးသူနာမည်ကို မမှတ်မိတော့ပါ။ စာရေးစရာပြောတာက “သူဟာ သူ.ရဲ့ အလုပ်မှာ အလွန်ပျော်တယ်။ ဒါကြောင့် သူ.ရဲ့ အလုပ်မှာ သူဘာလုပ်လုပ် အောင်မြင်တယ်တဲ့” သူအကြံပြုထားတာက မိမိ ဝါသနာပါရာ စိတ်ပါရာ အလုပ်ကိုပဲ အင်တိုက် အားတိုက် စ်ိတ်ရော ကိုယ်ပါနှစ်ပြီး လုပ်သင့်ပါတယ်တဲ့။ မိသားစု ပိုက်ဆံ အောင်မြင်မှု ဆိုတာတွေကို နောက်ထား ကိုယ့်အလုပ်ကိုယ် ပျော်ပိုက်ရင် ဒါတွေအားလုံး နောက်ကလိုက်လာပါလိမ့်တဲ့။ ဘယ်လောက်မှန်သလဲ မမှန်သလဲ ဆိုတာတော့ ကိုယ်တိုင်လုပ်ကြည့်မှပဲ တွေ.ကြရပါလိမ့်မယ်နော်။

တချို.ကလဲ ပြန်မေးထားပါတယ်။ သူဘာသာသူ ဘယ်အလုပ်ကို ဝါသနာပါမှန်းကို မသိဘူးတဲ့။ သြ .. ဒီမေးခွန်းဟာ လူအများစု ကြုံတွေ.တတ်တဲ့ မေးခွန်းပါဘဲ။ အဲဒီတော့ စာရေးသူက ပြန်ပြောထားတာက “မင်း မနက်ထလို. မျက်လုံးဖွင့်ပြီ ဆိုတာနဲ. မင်းရဲ့ အလုပ်အကြောင်းကိုတွေးပြီး စိတ်တက်ကြွ ပျော်ရွှင်တတ်သလား။ သြ အလုပ်သွားရပြန်ဦးမယ် ဆိုပြီး စိတ်ဓါတ်ကျ စိတ်ညစ်တတ်သလား ပြန်မေးကြည့်ပါ” တဲ့။ သုတေသန တခုမှာ ၇၀%လူတွေက သူတို.ရဲ့ အလုပ်ကို သူတို. မနှစ်ခြိုက်ကြဘူးတဲ့။

ဆရာဝန် တယောက်ရဲ့ ဘဝ

ကျမ Liverpool Heart and Chest hospital or Cardiothoracic centre လို.ခေါ်တဲ့ အင်္ဂလန်ရဲ. တတိယ အကြီးဆုံး နှလုံးနဲ.အဆုတ် အထူးကု ဆေးရုံကြီးမှာ ၂၀၁၀ တုန်းက တာဝန်ကျပါတယ်။ အဲဒီမှာ မြန်မာ ဆရာကြီး တယောက်ကို Clinical Tutor/CardioThoracic Surgeon အနေနဲ. တွေ.ဆုံခွင့်ရရပါတယ်။ ကျမက နှလုံးဆေးပညာဘက်မှာ၊ သူက နှလုံး ခွဲစိတ်တာဆိုတော့ တိုက်ရိုက်တော့ သူနဲ. အလုပ် တွဲမလုပ်ခဲ့ရပါဘူး။ ဒါပေမယ့် မှတ်မှတ်ရရ သူပြောခဲ့တဲ့ စကားတခွန်းကိုတော့ အခုထိ မှတ်မိနေဆဲပါဘဲ။ တနေ. ကျမရဲ့ Study Leave အတွက် သူ.ကို လက်မှတ် သွားထိုးခိုင်းတုန်း သူက “စာတွေလဲရေးနော်၊ Paper တွေ ထွက်အောင်လုပ်၊ တုို.မြန်မာဆရာဝန်တွေ အလုပ် သိပ်ကျိုးစားပြီး အဲဒီဘက် အပိုင်းမှာတော့ အလွန် အားနည်းကြတယ်” လို. သူက ဆုံးမလာပါတယ်။

တွေးမိသမျှရယ်

ကျမ အလွန် ယုံကြည် ကိုးကွယ်တဲ့ ဗုဒ္ဓဘုရားရဲ့ ဆုံးမမှုအတိုင်း သူများကို ခွင့်လွှတ် နားလည်ပေးတတ်ဖို. ကျမ အမြဲ ကျိုးစား နေထိုင်ပါတယ်။ 

ကြားလိုက်ရတဲ့ မြန်မာပြည်က သတင်းတွေဟာ အခုတော့ ကျမစိတ်ကို ပူပန်စေ၊ ညစ်ညူးစေတာ အမှန်ပါဘဲ။ သတင်းတွေမှာ ဖတ်ရသလို နှစ်ဘက်လုံးက မှားတယ်လုို.လဲ မြင်မိပါတယ်။ ကနဦး ပထမဆုံး ဝမ်နဲစရာ ဖြစ်ရပ်ကစလို. မတရားဘူး ဆိုပေမယ့် ဘာကြောင့် ကိုယ်ကိုယ်တုိုင်လဲ လူသတ်သမား ဖြစ်ချင်ရတယ် ဆိုတာတော့ ကျမနားမလည်နိုင်ပါ။ တယောက်သောသူရဲ့ အမှားကြောင့် တခြား ဘာသာတူ၊ လူမျိုးတူ တွေကို အမုန်းပွားတာ လက်စားချေတာ ကျမတော့ ဘယ်ထောင့်က ကြည့်ကြည့် အမှန်မြင်လို. မရပါ။

Training, Is it really that important?

ဒီနေ. အလုပ်မှာ အမျိုးသမီး တယောက်က သူ.အမေအတွက် အိမ်ကိုလာတဲ့ Carers တွေနဲ. ပက်သက်ပြီး မကျေနပ်လို. ကျမကို လာပြောပါတယ်။ ဒီနေရာမှာ နဲနဲလေးထပ်ပြောရင် ဒီနိုင်ငံမှာ အသက်ကြီးတဲ့ လူနာတွေ အတွက် အစိုးရက ခန်းထားတဲ့ Carers ဆိုတာတွေရှိပါတယ်။ သူတို.က အိမ်ကိုသွား၊ အဖိုး အဖွားတွေကို ရေချိုးပေး၊ အစားအသောက်ပြင်ပေး၊ အိပ်ရာခင်းလဲပေး ဆိုတာ မျိုးတွေ လုပ်ပေးရပါတယ်။ အဖိုး အဖွား လူနာတွေရဲ့ လိုအပ်ချက်ပေါ် မူတည်ပြီး တနေ. အများဆုံး ၄ခေါက်ထိ သွားပေးကြပါတယ်။ 

ကျမဆီလာတွေ.တဲ့ အမျိုးသမီးက ပြောတာက သူမမိခင်ကြီးက လမ်းမလျှောက်နုိုင်တော့လို. Carers တွေကလာပြီး ရေချိုး အဝတ်လဲတာ လုပ်ပေးရတယ်တဲ့။ ဒါပေမယ့် သူ.အိမ်လာတဲ့ Carers တွေက လူနာကို ဘယ်လုို မ ရမယ် နေရာရွှေ.ရမယ် ဆိုတာ Train မလုပ်ထားဘူးတဲ့။ အဲဒီတော့ လူနာကို ရေချိုးပေးမယ်ဆိုရင် သမီးလုပ်တဲ့ သူက လူနာကို အတင်းတွဲမ။ Carers တွေက ရေပတ်တိုက်ပေးတဲ့။ အဲဒီတော့ သမီးက မကျေနပ်တော့ Complaint လုပ်ပြီပေါ့။ ဒီနိုင်ငံမှာ သားသမီးတွေက မိဘနဲ. အတူနေကြတာ မဟုတ်။ တမြို.ထဲနေတာတောင် အတော်ရှားပါတယ်။ 

အဖြေမှန် မရှိသော ပု စ္ဆာများ

ဒီ လူ.ကျင့်ဝတ် ဆရာဝန် တယောက်ရဲ့ ကျင့်ဝတ်နဲ. ပက်သက်ပြီး တချို. ကိစ္စတွေမှာ ဘယ်ဟာက မှန်တယ်၊ ဘယ်အရာက မှားတယ်ဆိုတာ ဝေခွဲရ ဆုံးဖြတ်ရ အလွန်ခက်ခဲ တတ်ပါတယ်။ ဒါတွေဟာ ဒီနိုင်ငံမှာ ဆရာဝန် အလုပ် အတွက် အလုပ် အင်တာဗျူး သွားရင်လဲ မဖြစ်မနေ အမေးခံရ တတ်ပါတယ်။ ဥပမာ ပြောပြစရာတွေက မကုန်နိုင် မဆုံးနိုင်၊ ဒုနဲ. ဒေးပါ။ 

အင်တာဗျူးမှာ အမေးများတတ်တာတွေကတော့ “မင်းရဲ့ ဘော့စ် ဆရာကြီးက အရက်နံ. တထောင်းထောင်းနဲ. ခွဲခန်းထဲမှာ လူနာ ခွဲမလုို. လုပ်နေရင် မင်းအနေနဲ. ဘယ်လို လုပ်မလဲ” ဒါကျမ ဒီနိုင်ငံမှာ ပထမဆုံး အလုပ် အင်တာဗျူးမှာ တကယ် အမေးခံခဲ့ရတဲ့ မေးခွန်းပါ။ တခြား အလွန် အမေးများတတ်တဲ့ မေးခွန်းတခုကလဲ “လူနာက တကယ်လို.များ (မပြောကောင်း ပြောကောင်း ပေါ့နော်) သူ.ရဲ့ နှလုံးခုန် ရုတ်တရက် ရပ်သွားရင် နှလုံးပြန်စတဲ့ Resuscitation တွေ လုပ်ပေးစေချင်တယ်။ ဒါပေမယ့် ဆရာဝန် တယောက်ရဲ့ အမြင်အရ ဒါဟာ မသင့်တော်ဘူး။ ဘယ်လုို ဖြေရှင်း ကြမလဲ။ (ဥပမာ အသက်ကြီးကြီး လူနာ၊ တခြားရောဂါပေါင်း စုံနေရင် ဘယ်လို resuscitation လုပ်လုပ် ဒီလူနာဟာ ပြန်ရှင်မှာ မဟုတ်ပါ။ တော်ကြာ နှလုံးတော့ ပြန်ခုန်လာပြီး စက်နဲ. အသက်ရှူထားရတာမျိုး မသေမရှင် ဖြစ်နေရင် ပိုလို.အခက်ရောက် တတ်ပါတယ်)”

Have you smiled yet?

တလောက မျက်မှန် ပါဝါ စစ်တော့ စစ်ပေးတဲ့ Optician က ကျမမှာ ပုံမှန်မဟုတ်တာ နဲနဲတွေ.တယ် ဆိုပြီး ကျမကို မျက်စိဆေးရုံကို လွှဲလိုက်ပါတယ်။ ကျမကို ဆေးရုံကို လွှဲမယ်ဆိုတာလဲ ကြိုမပြောတော့ ချိန်းတဲ့ စာရောက်လာတော့မှ ကျမလဲ အံ့တွေသြပြီး ဘာများဖြစ်လဲ ဆိုပြီး ဆေးရုံကို သွားရပါတယ်။ 

ရောက်သွားတော့ အစိုးရ (NHS) ဆေးရုံတွေရဲ့ ထုံးစံအတိုင်း လူတိုင်း အလုပ်တွေများပြီး ရှုပ်ရှက်ခက် နေတာ တွေ.ရပါတယ်။ ကျမရဲ့ Appointment က ညနေ ၆နာရီမှဆိုတော့ သူတို. အလုပ်ပြီးခါနီး နောက်ဆုံး လို.ထင်ရတာပါဘဲ။ ကားမမောင်းလာပါနဲ. ဆိုလုို. လိုက်ပို.ပေးတဲ အမျိုးသားနဲ. ထိုင်လေပေါပြီး ကိုယ်အလှဲ.ရောက်ဖို. စိတ်ရှည်ရှည်နဲ. စောင့်ပေါ့။ ပထမတော့ ချိန်းတာ သွားသင့် မသွားသင့် တော်တော် စဉ်းစားခဲ့ရပါသေးတယ်။ ဒါပေမယ့် ဘာကြောင့် လွှဲတာမှန်းလဲ မသိ၊ မျက်စိဆိုတာ ကိုယ်သိပ်နားလည် ကျွမ်းကျင်တဲ့ အပိုင်းလဲ မဟုတ်တော့ သွားကြည့်တာပေါ့ ဆိုပြီး ချီတက် သွားခဲ့ကြတာပါ။

တွေးစရာ မြန်မာ မှုလေးတွေ

တနေ. အလုပ်ထဲမှာ အားလူးဖုတ် အတင်းတုတ် နေကြတုန်း သူငယ်ချင်းတယောက်က သူ.နဲ. အကြာကြီး ပေါင်းသင်းနေတဲ့ သူ.ရဲ. partner က သူ.ကို propose လုပ်လာကြောင်း၊ ဘယ်လောက် Romantic ဖြစ်ကြောင်း စတာတွေကို ဝမ်းသာအားရ ကိုပြောပြပါတယ်။ သူ.အကြောင်းပြောပြီးတော့ ကျမဘက်ကိုရော လှဲ.ပြီးတော့ နင်တို မြန်မာတွေရော ဘယ်လို Propose လုပ်ကြလဲတဲ့။ ကျမလဲ ကျမတို မြန်မာမှာ စတွဲပြီ၊ ရည်းစား ဖြစ်ပြီ ဆိုတာနဲ. လက်ထပ်ဖို. ရည်ရွယ်ကြောင်း အထူးတလည် Propose လုပ်စရာ မလို၊ လက်ထပ်ဖို. စိတ်ကူးနဲ. သာ တွဲကြကြောင်း၊ လက်မထပ်ခင် အတူနေတဲ ယဉ်ကျေးမှုလဲ မရှိကြောင်း ရှင်းပြမိ ပါတယ်။

နောက် သူတို. ထပ်မေးတဲ့ မေးခွန်းက Domestic violence လို.ခေါ်တဲ့ အ်ိမ်ရှင်မ တွေ အထိုး အရိုက် အနို်င်ကျင့် ခံ ရတာ မျိုးတွေရော ရှိလားတဲ့၊ နင်တို.က ဗုဒ္ဓ ဘာသာ နိုင်ငံ ဆိုတော့ ဒါမျိုးတွေ နဲမှာပေါ့တဲ့။ ကျမလဲ နဲနဲ ပြန် စဉ်းစား ကြည့်ပြီး “အင်း ငါ မြန်မာ ပြည်မှာတုန်းကတော့ ဆေးရုံမှာ ဖြစ်စေ၊ လူမှု အပေါင်းအသင်းတွေကြားမှာ ဖြစ်စေ ဒါမျိုး မကြုံဖူး မကြား ဖူးဘူးလို.” ပြန်ဖြေခဲ့ မိပါတယ်။ ပြန်တွေး ကြည့်တော့ မြန်မာ မလေးတွေ ထုတ်ဖော် မပြောဘဲ အိမ်မှာ ကျိတ် အရိုက်ခံ ရ တတ်သလားတော့ ကျမ မသိပါ။ ရုပ်ရှင်တွေထဲတော့ တခါတရံ ဒါမျိုး ကြည့်ခဲ့ ဖူးတယ် ထင်ပါတယ်။ 

သူတို. နှစ်ဦး

လူတယောက်ကို မြင်ရုံနဲ. အမှန်ပြောနေတဲ့ လူလား၊ ပိုပိုသာသာ ဟန်လုပ် ပြောနေတာလား ဆိုတာ လူကဲခတ်ဖို. အလွန်ခက်ခဲ တတ်ပါတယ်။ ဥပမာ ပြောပြရရင် ဒီနေ. ကျမ လုံးဝ မတူညီတဲ့ လူနာ နှစ်ယောက်တွေ.ခဲ့ပါတယ်။ 

တယောက်က အင်္ဂလန်ပေါက် အသက် ၂၄ နှစ် ပါကစ္စတန်မလေးပါ။ ဗိုက်နာတာကို လာပြတာတဲ့။ နာနေတာကလဲ ၆လ ကျော်ပါပြီတဲ့။ အရင်ကလဲ ဒီကိစ္စနဲပဲ ဆေးရုံတင်ရပါတယ်။ စစ်ဆေးချက်တွေ လုပ်ထားလိုက်တာကလဲ စုံစိနဖာ ပါပဲ။ CT, MRI, MRCP လုို.ခေါ်တဲ့ နောက်ဆုံးပေါ် ဓါတ်မှန်တွေ အမျိုးမျိုး ရိုက်ထားတဲ့ အပြင်၊ ပါးစပ်ပေါက် စအိုပေါက်မှ ကင်မရာပါတဲ့ မှန်ပြောင်း အမျိုးမျိုး နဲ.ကြည်.လုို.၊ ဖောက်စစ်ထားတဲ့ သွေးတွေကတော့ ပြောစရာကို မလိုလောက်အောင် ဒုနဲ.ဒေး။